「Ардын хөгжимд зориулсан шинэ бүтээлүүд」の編集履歴(バックアップ)一覧に戻る
Ардын хөгжмийг сэргээн маадуулахад
1960-аад оны сүүлийн хагас үеэс 1970-аад оны үе хүртэл “Хоогаку моод” гэж нэрлэгддэг үзэгдэл болсон. “Хоогаку” гэвэл япон ардын дуу хөгжим гэдэг утга санаатай. 1920-иод оноос эхэлсэн “Шинэ Япон Хөгжм”-ийн хөдөлгөөнд нь голдуу ардын хөгжмичид шинэ бүтээл зохиосон. Харин 1960-аад оноос эхэлсэн “Хоогаку моод”-од голдуу орчин цагийн мэргэжилийн хөгжмийн зохиолчид, ялангуяа модернизм маягаар зохиолоо бичидэг зохиолчид япон ардын хөгжимд зориулсан олон бүтээлээ бичсэн. 1967 онд Такемицу Тору бичсэн ”November Steps(11-р сарын шатууд)” бол энэ моодны нэг оргил юм. Энэ моод 1970-аад оноос нам буурсан боловч Улсын Театр “Гагаку” ардын найрал хөгжмийн шинэ бүтээл захиалдаг болж, Такефу Олон Улсын Хөгжмийн Наадамд ардын хөгжмийн концерт зохион байгууладаг болж, 1964 онд байгуулагдсан япон ардын хөгжмийн шинэ ансамбль “Нихон Онгаку Шүүдан(PRO MUSICA NIPPONIA)” олон шагнал хүртээд дэлхийн олон орнуудад концертод ордог. Япон ардын хөгжим төдийгүй 1993 онд Япон, Солонгос, Хятадын ардын хөгжимчид цуглаад “Оркестр Ази” байгуулсан.
Мөн сүүлийн үед сонирхогчоор ардын хөгжим тоглодог хүн ихсэж бага, дунд сургуулийн хичээлд япон ардын хөгжмийн хичээл орохын тухай хууль гарсан.
Мики Минору(1930- )
“Marimba Spiritual” (1984)
http://www.youtube.com/watch?v=-LGS0bKAoRs
1930 онд Токушим мужид төржээ. Бага байхдаа найрал дуугаар сонгодог хөгжимд сонирходог болжээ. Улсын Токиогийн Урлагийн Их Сургуульд ороод Икеноучи Томожиро, Ифукубе Акира нараас хөгжмийн зохиомж сурчээ. Эхнээсээ ардын маягийн хөгжмийн бүтээлээ бичсээр ирсэн хүн. 1964 онд “Нихон Онгаку Шүүдан(PRO MUSICA NIPPONIA)” байгуулахад урлагийн удирдагчаар тэнд оржээ. Тэнд зориулсан олон сайхан бүтээлээ бичиж тус ансамблийн олон гадаадын концертыг зохион байгуулсан. Тэрбээр япон ардын хөгжмийн урлагийг дэлхий даяар танилцуулсан хүний нэг юм. Мөн 1983 онд Хятад Япон ардын хөгжмчдын хамтрасан концертын бүтээлээ, 1989 онд Солонгос Япон ардын хөгжмчдын хамтрасан концертын бүтээлээ бичсэн. Ардын дуу хөгжмийн талаар төдийгүй түүний дуурь финлянд, Англи, Америк, Герман зэрэг олон орнуудад тоглогдсон. Түүнээс өөр найрал дууны бүтээл, киноны хөгжмөөр ч алдаршсан хүн. Түүний бичсэн ном “Япон ардын хөгжмийн найралжуулга” бол япон ардын хөгжмийн ансамбль, найрал хөгжмийн бүтээл бичихэд их хэрэглэгддэг.
Зохиолч нь “Marimba Spiritual” (1984) маримбач, япон ардын хэнгэрэг, жижиг харанга тоглох 3 цохиорын хөгжимчдөд зориулан бичсэн. Алдартай Японы маримбач Абе Кейко зохиолчинд зөвлөгөө өгөөд NHK захиалсан. Тэр үед Африкт олон хүмүүс өлсөж үхэж байсан бөгөөд бүтээлийнхээ эхний хагас нь тэдэнд зориулсан реквием юм. Зохиолч нь бүтээлийнхээ сүүлийн хагасаа “Чичибу Ятай Баяши” гэдэг япон ардын баяр наадамын бүжгэн аялгууны хэмнэл хэрэглээд дэлхийг мандуулах зорилгоор бичсэн. Гадаадад олон мянган удаа тоглогдсон их нэртэй бүтээл юм.
Ифукубе Акира(1914-2006)
Ёшимацу Такаши(1953- )
Такемицу Тоору(1930-1996)