『スッタニパータ』マーガンディヤ・スッタ

テキスト

• suttanipāta 第六結集版; P: helmer smith ed.; H: Lord Chalmers ed.

研究・翻訳

• Māgandiya Sutta

841.
‘‘Disvāna taṇhaṃ aratiṃ ragañca [aratiñca rāgaṃ (syā. ka.)], nāhosi chando api methunasmiṃ;
Kimevidaṃ muttakarīsapuṇṇaṃ, pādāpi naṃ samphusituṃ na icche’’.
842.
‘‘Etādisaṃ ce ratanaṃ na icchasi, nāriṃ narindehi bahūhi patthitaṃ;
Diṭṭhigataṃ sīlavataṃ nu jīvitaṃ [sīlavatānujīvitaṃ (sī. pī. ka.)], bhavūpapattiñca vadesi kīdisaṃ’’.
843.[PTS 837]
‘‘Idaṃ vadāmīti na tassa hoti, (māgaṇḍiyāti [PH: māgandiyāti (sī. syā. pī.)] bhagavā)
Dhammesu niccheyya samuggahītaṃ;
Passañ ca diṭṭhīsu anuggahāya,
Ajjhatta-santiṃ pacinaṃ adassaṃ’’.
844.[PTS 838]
‘‘Vinicchayā yāni pakappitāni, (iti māgaṇḍiyo [PH: māgandiyo (sī. syā. pī.)] )
Te ve munī[PH: muni] brūsi anuggahāya;
Ajjhatta-santīti yam etam atthaṃ,
Kathaṃ[P: kathan] nu dhīrehi paveditaṃ taṃ’’.
845.[PTS 839]
‘‘Na diṭṭhiyā na sutiyā na ñāṇena, (māgaṇḍiyāti[PH: Māgandiyāti] bhagavā)
Sīla-bbatenāpi na suddhim āha;
Adiṭṭhiyā assutiyā añāṇā,[PH: aññāṇā]
Asīlatā abbatā no pi tena;
Ete ca nissajja anuggahāya,
Santo anissāya bhavaṃ na jappe’’.
846.[PTS 840]
‘‘No ce kira diṭṭhiyā na sutiyā na ñāṇena, (iti māgaṇḍiyo[PH: Māgandiyo])
Sīlabbatenāpi na suddhim[H: visuddhim] āha;
Adiṭṭhiyā assutiyā añāṇā,[PH: aññāṇā]
Asīlatā abbatā no pi tena;
Maññāmahaṃ[P: maññe-m-ahaṃ H: maññām' ahaṃ] momuham eva dhammaṃ,
Diṭṭhiyā eke paccenti suddhiṃ’’.
847.[PTS 841]
‘‘Diṭṭhañ ca[H: Diṭṭhīsu] nissāya anupucchamāno, (māgaṇḍiyāti bhagavā)
Samuggahītesu pamoham āgā [samohamāgā (syā. ka.)];
Ito ca nāddakkhi aṇum pi saññaṃ,
Tasmā tuvaṃ momuhato dahāsi.
848.
‘‘Samo visesī uda vā nihīno, yo maññatī so vivadetha tena;
Tīsu vidhāsu avikampamāno, samo visesīti na tassa hoti.
849.
‘‘Saccanti so brāhmaṇo kiṃ vadeyya, musāti vā so vivadetha kena;
Yasmiṃ samaṃ visamaṃ vāpi natthi, sa kena vādaṃ paṭisaṃyujeyya.
850.
‘‘Okaṃ pahāya aniketasārī, gāme akubbaṃ muni santhavāni [sandhavāni (ka.)];
Kāmehi ritto apurekkharāno, kathaṃ na viggayha janena kayirā.
851.
‘‘Yehi vivitto vicareyya loke, na tāni uggayha vadeyya nāgo;
Jalambujaṃ [elambujaṃ (sī. syā.)] kaṇḍakaṃ vārijaṃ yathā, jalena paṅkena canūpalittaṃ;
Evaṃ munī santivādo agiddho, kāme ca loke ca anūpalitto.
852.
‘‘Na vedagū diṭṭhiyāyako [na vedagū diṭṭhiyā (ka. sī. syā. pī.)] na mutiyā, sa mānameti na hi tammayo so;
Na kammunā nopi sutena neyyo, anūpanīto sa nivesanesu.
853.
‘‘Saññāvirattassa na santi ganthā, paññāvimuttassa na santi mohā;
Saññañca diṭṭhiñca ye aggahesuṃ, te ghaṭṭayantā [ghaṭṭamānā (syā. ka.)] vicaranti loke’’ti.