#ref error ：ご指定のファイルが見つかりません。ファイル名を確認して、再度指定してください。 (1.0&cmd=ZOOM_IN)
テキスト
Idaṃ vadāmī ti na tassa hotī ti. Idaṃ vadāmī ti idaṃ vadāmi, etaṃ vadāmi, ettakaṃ vadāmi, ettāvatā vadāmi, idaṃ diṭṭhigataṃ vadāmi – ‘‘sassato loko’’ti vā…pe… ‘‘n' eva hoti na na hoti tathāgato paraṃ maraṇā’’ti vā[P: +ti]. Na tassa hotī ti na mayhaṃ hoti, ‘‘ettāvatā vadāmī’’ti na tassa hotī ti – idaṃ vadāmī ti na tassa hoti.[PTS183]
Māgaṇḍiyā[P: māgandiyā] ti bhagavā taṃ brāhmaṇaṃ nāmena ālapati. Bhagavā ti gāravādhivacanaṃ…pe… sacchikā paññatti yadidaṃ bhagavā ti – māgaṇḍiyā[P: māgandiyā] ti bhagavā.
Dhammesu niccheyya samuggahītanti. Dhammesūti[P: Dhammesu] dvāsaṭṭhiyā diṭṭhigatesu. Niccheyyā ti nicchinitvā vinicchinitvā vicinitvā pavicinitvā tulayitvā tīrayitvā vibhāvayitvā vibhūtaṃ katvā, odhiggāho bilaggāho[P: vilaggāho] varaggāho koṭṭhāsaggāho uccayaggāho samuccayaggāho, ‘‘idaṃ saccaṃ tacchaṃ tathaṃ bhūtaṃ yāthāvaṃ aviparīta’’nti[P: aviparittan ti] gahitaṃ parāmaṭṭhaṃ abhiniviṭṭhaṃ ajjhositaṃ adhimuttaṃ, n' atthi [P: -na santi] na saṃvijjati n' upalabbhati, pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhan ti – dhammesu niccheyya samuggahītaṃ.
Passañ ca diṭṭhīsu anuggahāyā ti. Diṭṭhīsu ādīnavaṃ passanto diṭṭhiyo na gaṇhāmi na parāmasāmi nābhinivisāmi. Atha vā na gaṇhitabbā na parāmasitabbā nābhinivisitabbā ti. Evam pi passañ ca diṭṭhīsu anuggahāya.
Atha vā ‘‘sassato loko, idam eva saccaṃ mogham aññan’’ti diṭṭhigatam etaṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaññojanaṃ[P: diṭṭhisaṃyojanaṃ], sadukkhaṃ savighātaṃ sa-upāyāsaṃ sapariḷāhaṃ, na nibbidāya[P: nibbidhāya] na virāgāya na nirodhāya na upasamāya na abhiññāya na sambodhāya na nibbānāya saṃvattatī ti. Diṭṭhīsu ādīnavaṃ passanto diṭṭhiyo na gaṇhāmi na parāmasāmi nābhinivisāmi. Atha vā na gaṇhitabbā na parāmasitabbā nābhinivisitabbā ti. Evam pi passañ ca diṭṭhīsu anuggahāya.
[P: -Atha vā] ‘‘asassato loko, antavā loko, anantavā loko, taṃ jīvaṃ taṃ sarīraṃ, aññaṃ jīvaṃ aññaṃ sarīraṃ, hoti tathāgato paraṃ maraṇā, na hoti tathāgato paraṃ maraṇā, hoti ca na ca hoti tathāgato paraṃ maraṇā, n' eva hoti na na hoti tathāgato paraṃ maraṇā, idam eva saccaṃ mogham aññan’’ti diṭṭhigatam etaṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaññojanaṃ[P: diṭṭhisaṃyojanaṃ], sadukkhaṃ savighātaṃ sa-upāyāsaṃ sapariḷāhaṃ na nibbidāya[P: nibbidhāya] na virāgāya na nirodhāya na upasamāya na abhiññāya na sambodhāya na nibbānāya saṃvattatī ti. Diṭṭhīsu ādīnavaṃ passanto diṭṭhiyo na gaṇhāmi na parāmasāmi nābhinivisāmi. Atha vā na gaṇhitabbā na parāmasitabbā nābhinivisitabbā ti. Evam pi passañ ca diṭṭhīsu anuggahāya.
Atha vā imā diṭṭhiyo evaṃ-gahitā evaṃ-parāmaṭṭhā evaṃ-gatikā bhavissanti evaṃ-abhisamparāyā ti. Diṭṭhīsu ādīnavaṃ passanto diṭṭhiyo na gaṇhāmi na parāmasāmi nābhinivisāmi. Atha vā na gaṇhitabbā na parāmasitabbā nābhinivisitabbā ti. Evam pi passañ ca diṭṭhīsu anuggahāya.
Atha vā imā diṭṭhiyo nirayasaṃvattanikā tiracchānayonisaṃvattanikā pettivisayasaṃvattanikā[P: pittivisayasaṃvattanikā] ti. Diṭṭhīsu ādīnavaṃ passanto diṭṭhiyo na gaṇhāmi na parāmasāmi nābhinivisāmi. Atha vā na gaṇhitabbā na parāmasitabbā nābhinivisitabbā ti. Evam pi passañ ca diṭṭhīsu anuggahāya.
Atha vā imā diṭṭhiyo aniccā saṅkhatā paṭiccasamuppannā khayadhammā vayadhammā virāgadhammā nirodhadhammā ti. Diṭṭhīsu ādīnavaṃ passanto diṭṭhiyo na gaṇhāmi na parāmasāmi nābhinivisāmi. Atha vā na gaṇhitabbā na parāmasitabbā nābhinivisitabbā ti. Evam pi passañ ca diṭṭhīsu anuggahāya.
Ajjhattasantiṃ pacinaṃ adassan ti. Ajjhattasantiṃ[P: Ajjhattaṃ santiṃ] ajjhattaṃ rāgassa santiṃ, dosassa santiṃ, mohassa santiṃ, kodhassa… upanāhassa… makkhassa … paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa… sabbakilesānaṃ… sabbaduccaritānaṃ… sabba-darathānaṃ… sabba-pariḷāhānaṃ… sabba-santāpānaṃ… sabbākusalābhisaṅkhārānaṃ santiṃ [P: -upasantiṃ] vūpasantiṃ nibbutiṃ paṭipassaddhiṃ [P: -santiṃ].
Pacinan ti pacinanto vicinanto pavicinanto tulayanto tīrayanto vibhāvayanto vibhūtaṃ karonto, ‘‘sabbe saṅkhārā aniccā’’ti pacinanto vicinanto pavicinanto tulayanto tīrayanto vibhāvayanto vibhūtaṃ karonto, ‘‘sabbe saṅkhārā dukkhā’’ti… ‘‘sabbe dhammā anattā’’ti [pacinanto vicinanto pavicinanto…] [P: pe…]‘‘yaṃ kiñci samudaya-dhammaṃ, sabbaṃ taṃ nirodha-dhamman’’ti pacinanto vicinanto pavicinanto tulayanto tīrayanto vibhāvayanto vibhūtaṃ karonto.Adassan ti adassaṃ adakkhiṃ apassiṃ [P: passiṃ] paṭivijjhin ti – ajjhattasantiṃ pacinaṃ adassaṃ.
Tenāha bhagavā –
‘‘Idaṃ vadāmīti na tassa hoti, [māgaṇḍiyāti bhagavā]
Dhammesu niccheyya samuggahītaṃ;
Passañ ca diṭṭhīsu anuggahāya;
Ajjhattasantiṃ pacinaṃ adassa’’nti.[P: adassaṃ ti]
73.
Vinicchayā yāni pakappitāni, [iti māgaṇḍiyo[P: māgandiyo]]
Te ve munī brūsi anuggahāya;
Ajjhattasantī ti yam etam atthaṃ, kathaṃ nu dhīrehi paveditaṃ taṃ.[PTS185]
Vinicchayā yāni pakappitānī ti. Vinicchayā vuccanti dvāsaṭṭhi diṭṭhigatāni diṭṭhivinicchayā. Pakappitānī ti kappitā [P: -pakappitā] abhisaṅkhatā saṇṭhapitā ti pi pakappitā . Atha vā aniccā saṅkhatā paṭiccasamuppannā khaya-dhammā vaya-dhammā virāga-dhammā nirodha-dhammā vipariṇāma-dhammā ti pi pakappitā ti – vinicchayā yāni pakappitāni.
Iti māgaṇḍiyo[P: māgandiyo] ti. Itī ti padasandhi [padasaṃsaggo padapāripūrī akkharasamavāyo byañjanasiliṭṭhatā][P: ...pe...]padānupubbatāpetaṃ[P: padānupubbatā-m-etaṃ] – itī ti. [P: -Māgaṇḍiyo ti tassa brāhmaṇassa nāmaṃ saṅkhā samaññā paññatti vohāro – iti māgaṇḍiyoti.]
Te ve munī brūsi anuggahāya, ajjhattasantī ti yam etam atthan ti. Te ve ti dvāsaṭṭhi diṭṭhigatāni. Munī ti. Monaṃ vuccati ñāṇaṃ…pe… saṅgajālam aticca so munī ti. Anuggahāyā ti diṭṭhīsu ādīnavaṃ passanto diṭṭhiyo na gaṇhāmi na parāmasāmi nābhinivisāmī ti [ca bhaṇasi][P: paggaṇhāsi], ajjhattasantī ti ca bhaṇasi. Yam etam atthan ti yaṃ paramatthan ti – te ve munī brūsi anuggahāya, ajjhattasantī ti yam etam atthaṃ.
Kathaṃ nu dhīrehi paveditaṃ tan ti. Kathaṃ nū ti [P: -padaṃ] saṃsayapucchā vimatipucchā dveḷhakapucchā anekaṃsapucchā, evaṃ nu kho na nu kho kiṃ[P: kin] nu kho kathaṃ nu kho ti – kathaṃ nu. Dhīrehī ti [P: -dhīrehi] paṇḍitehi paññavantehi [paññāvantehi (sī. syā.)] buddhimantehi ñāṇīhi vibhāvīhi medhāvīhi. Paveditan ti veditaṃ paveditaṃ ācikkhitaṃ desitaṃ paññāpitaṃ paṭṭhapitaṃ [PTS186]vivaṭaṃ vibhattaṃ[P: vivaritaṃ vibhajitaṃ] uttānīkataṃ pakāsitan ti – kathaṃ nu dhīrehi paveditaṃ taṃ.
Ten āha so brāhmaṇo[P: bhagavā] –
‘‘Vinicchayā yāni pakappitāni, [iti māgaṇḍiyo[P: māgandiyo]]
Te ve munī brūsi anuggahāya;
Ajjhattasantī ti yam etam atthaṃ, kathaṃ nu dhīrehi paveditaṃ ta’’nti.[P: taṃ]
74.
Na diṭṭhiyā na sutiyā na ñāṇena, [māgaṇḍiyā[P: māgandiyā] ti bhagavā]
Sīla-bbatenā pi na suddhim āha;
Adiṭṭhiyā assutiyā añāṇā, asīlatā abbatā no pi tena;
Ete ca nissajja anuggahāya, santo anissāya bhavaṃ na jappe.
Na diṭṭhiyā na sutiyā na ñāṇenā ti. Diṭṭhenā pi suddhiṃ visuddhiṃ parisuddhiṃ, muttiṃ vimuttiṃ parimuttiṃ n' āha na kathesi na bhaṇasi na dīpayasi na voharasi; sutenāpi[P: sutena pi] suddhiṃ visuddhiṃ parisuddhiṃ, muttiṃ vimuttiṃ parimuttiṃ n' āha na kathesi na bhaṇasi na dīpayasi na voharasi; diṭṭhasutenāpi[P: diṭṭhasutena pi] suddhiṃ visuddhiṃ parisuddhiṃ, muttiṃ vimuttiṃ parimuttiṃ n' āha na kathesi na bhaṇasi na dīpayasi na voharasi; ñāṇenā pi suddhiṃ visuddhiṃ parisuddhiṃ, muttiṃ vimuttiṃ parimuttiṃ n' āha na kathesi na bhaṇasi na dīpayasi na voharasīti – na diṭṭhiyā na sutiyā na ñāṇena.
Māgaṇḍiyā[P: māgandiyā] ti bhagavā taṃ brāhmaṇaṃ nāmena ālapati. Bhagavā ti gāravādhivacanaṃ…pe… sacchikā paññatti yad idaṃ bhagavā ti – māgaṇḍiyā[P: māgandiyā] ti bhagavā.[PTS187]
Sīla-bbatenā pi na suddhim āhā ti. Sīlenāpi[P: sīlena pi] suddhiṃ visuddhiṃ parisuddhiṃ, muttiṃ vimuttiṃ parimuttiṃ n' āha na kathesi na bhaṇasi na dīpayasi na voharasi; vatenāpi[P: vattena pi] suddhiṃ visuddhiṃ parisuddhiṃ, muttiṃ vimuttiṃ parimuttiṃ n' āha na kathesi na bhaṇasi na dīpayasi na voharasi; sīla-bbatenā pi suddhiṃ visuddhiṃ parisuddhiṃ, muttiṃ vimuttiṃ parimuttiṃ n' āha na kathesi na bhaṇasi na dīpayasi na voharasī ti – sīla-bbatenā pi na suddhim āha.
Adiṭṭhiyā assutiyā añāṇā, asīlatā abbatā no pi tenā ti. Diṭṭhi pi icchitabbā. Dasavatthukā sammādiṭṭhi – atthi dinnaṃ, atthi yiṭṭhaṃ, atthi hutaṃ, atthi sukatadukkaṭānaṃ[P: sukaṭadukkaṭānaṃ (sī.)] kammānaṃ phalaṃ vipāko, atthi ayaṃ loko, atthi paro loko, atthi mātā, atthi pitā, atthi sattā opapātikā, atthi loke samaṇabrāhmaṇā sammaggatā [samaggatā (ka.)]sammāpaṭipannā ye imañ ca lokaṃ parañ ca lokaṃ sayaṃ abhiññā sacchikatvā pavedentī ti; savanam pi icchitabbaṃ – parato ghoso, suttaṃ, geyyaṃ, veyyākaraṇaṃ, gāthā, udānaṃ, itivuttakaṃ, jātakaṃ, abbhutadhammaṃ, vedallaṃ; ñāṇam pi icchitabbaṃ – kammassakatañāṇaṃ, saccānulomikañāṇaṃ [P: kammassakataṃ ñāṇaṃ saccānulomikaṃ ñāṇaṃ (sī. ka.) ñāṇavibhaṅgepi], abhiññā ñāṇaṃ, samāpattiñāṇaṃ; sīlam pi icchitabbaṃ – pātimokkhasaṃvaro; vatam[P: vattam] pi icchitabbaṃ – aṭṭha dhutaṅgāni – āraññikaṅgaṃ, piṇḍapātikaṅgaṃ, paṃsukūlikaṅgaṃ, tecīvarikaṅga, sapadānacārikaṅgaṃ, khalupacchābhattikaṅgaṃ, nesajjikaṅgaṃ, yathāsanthatikaṅganti[P: yathāsanthatikaṅgaṃ].
Adiṭṭhiyā assutiyā añāṇā, asīlatā abbatā no pi tenā[PTS188] ti . Nāpi[P: na pi] sammādiṭṭhimattena, nāpi[P: na pi] savanamattena, nāpi[P: na pi] ñāṇamattena, nāpi[P: na pi] sīlamattena, nāpi[P: na pi] vatamattena ajjhattasantiṃ patto[P: vattamattena ajjhattasantipatto] hoti, nāpi[P: na pi] vinā etehi dhammehi ajjhattasantiṃ pāpuṇāti. Api ca sambhārā ime dhammā honti ajjhattasantiṃ pāpuṇituṃ adhigantuṃ phassituṃ[P: phusituṃ] sacchikātun ti – adiṭṭhiyā assutiyā añāṇā asīlatā abbatā no pi tena.
Ete ca nissajja anuggahāyā ti. Eteti[P: ete] kaṇhapakkhikānaṃ dhammānaṃ samugghātato pahānaṃ icchitabbaṃ, tedhātukesu kusalesu dhammesu atammayatā [akammayatā (sī. ka.)]icchitabbā, yato kaṇhapakkhiyā[P: kaṇhapakkhikā] dhammā samugghātapahānena pahīnā honti ucchinnamūlā tālāvatthukatā anabhāvaṃkatā[P: anabhāvaṃgatā] āyatiṃ anuppāda-dhammā, tedhātukesu ca kusalesu dhammesu atammayatā hoti, ettāvatā pi na gaṇhāti na parāmasati nābhinivisati. Atha vā na gaṇhitabbā na parāmasitabbā nābhinivisitabbā ti. Evam pi ete ca nissajja anuggahāya. Yato taṇhā ca diṭṭhi ca māno ca pahīnā honti ucchinna-mūlā tālāvatthukatā anabhāvaṃkatā[P: anabhāvaṃgatā] āyatiṃ anuppādadhammā [P: -ti], ettāvatā pi na gaṇhāti na parāmasati nābhinivisatī ti. Evam pi ete ca nissajja anuggahāya.
Yato puññābhisaṅkhāro ca apuññābhisaṅkhāro ca āneñjābhisaṅkhāro ca pahīnā honti ucchinna-mūlā tālāvatthukatā anabhāvaṃkatā[P: anabhāvaṃgatā] āyatiṃ anuppādadhammā[P: -ti], ettāvatā pi na gaṇhāti na parāmasati nābhinivisatī ti. Evam pi ete ca nissajja anuggahāya.
Santo anissāya bhavaṃ na jappe ti. Santo ti rāgassa samitattā[P: santattā] santo, dosassa samitattā[P: santattā] santo, mohassa samitattā[P: santattā][PTS189] santo , kodhassa… upanāhassa… makkhassa… paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa… sabbakilesānaṃ… sabbaduccaritānaṃ… sabbadarathānaṃ… sabbapariḷāhānaṃ… sabbasantāpānaṃ… sabbākusalābhisaṅkhārānaṃ santattā samitattā vūpasamitattā vijjhātattā nibbutattā vigatattā paṭipassaddhattā santo [P: -upasanto] vūpasanto nibbuto paṭipassaddho ti – santo.
Anissāyā ti dve nissayā – taṇhānissayo ca diṭṭhinissayo ca…pe… ayaṃ taṇhānissayo…pe… ayaṃ diṭṭhinissayo. Taṇhānissayaṃ pahāya diṭṭhinissayaṃ paṭinissajjitvā cakkhuṃ anissāya, sotaṃ anissāya, ghānaṃ anissāya, jivhaṃ anissāya, kāyaṃ anissāya, manaṃ anissāya, rūpe… sadde… gandhe… rase… phoṭṭhabbe… kulaṃ… gaṇaṃ… āvāsaṃ… lābhaṃ… yasaṃ… pasaṃsaṃ… sukhaṃ… cīvaraṃ… piṇḍapātaṃ… senāsanaṃ… gilānapaccayabhesajjaparikkhāraṃ… kāmadhātuṃ… rūpadhātuṃ… arūpadhātuṃ… kāmabhavaṃ… rūpabhavaṃ… arūpabhavaṃ… saññābhavaṃ… asaññābhavaṃ… nevasaññānāsaññābhavaṃ… ekavokārabhavaṃ… catuvokārabhavaṃ… pañcavokārabhavaṃ… atītaṃ… anāgataṃ… paccuppannaṃ… diṭṭhasutamutaviññātabbe dhamme anissāya aggaṇhitvā aparāmasitvā anabhinivisitvā[P: abhinivisitvā] ti – santo anissāya. Bhavaṃ na jappe ti kāmabhavaṃ na jappeyya, rūpabhavaṃ na jappeyya, arūpabhavaṃ na jappeyya nappajappeyya[P: na pajappeyya] na abhijappeyyā ti – santo anissāya bhavaṃ na jappe.
Ten' āha bhagavā –
‘‘Na diṭṭhiyā na sutiyā na ñāṇena, [māgaṇḍiyā[P: māgandiyā]ti bhagavā]
Sīlabbatenā pi na suddhim āha;
Adiṭṭhiyā assutiyā añāṇā, asīlatā abbatā no pi tena;
Ete ca nissajja anuggahāya, santo anissāya bhavaṃ na jappe’’ti.[PTS189]
75.
No ce kira diṭṭhiyā na sutiyā na ñāṇena, [iti māgaṇḍiyo[P: māgandiyo]]
Sīlabbatenā pi na suddhim āha;
Adiṭṭhiyā assutiyā añāṇā, asīlatā abbatā no pi tena;
Maññām' ahaṃ momuham eva dhammaṃ, diṭṭhiyā eke paccenti suddhiṃ.
No ce kira diṭṭhiyā na sutiyā na ñāṇenā ti. Diṭṭhiyā pi suddhiṃ visuddhiṃ parisuddhiṃ, muttiṃ vimuttiṃ parimuttiṃ n' āha na kathesi na bhaṇasi na dīpayasi na voharasi; sutenā pi suddhiṃ visuddhiṃ parisuddhiṃ, muttiṃ vimuttiṃ parimuttiṃ…[P: n' āha na kathesi na bhaṇasi na dīpayasi na voharasi.] diṭṭhasutenā pi suddhiṃ visuddhiṃ parisuddhiṃ , muttiṃ vimuttiṃ parimuttiṃ…[P: n' āha na kathesi na bhaṇasi na dīpayasi na voharasi.] ñāṇenāpi suddhiṃ visuddhiṃ parisuddhiṃ, muttiṃ vimuttiṃ parimuttiṃ n'āha na kathesi na bhaṇasi na dīpayasi na voharasī ti – no ce kira diṭṭhiyā na sutiyā na ñāṇena.
Iti māgaṇḍiyo[P: māgandiyo] ti itī ti padasandhi…pe….[P: +anupubbatā-m-etam, itī ti.] Māgaṇḍiyo[P: māgandiyo]ti tassa brāhmaṇassa nāmaṃ…pe…[P: ti,] iti māgaṇḍiyo[P: māgandiyo].
Sīlabbatenā pi na suddhim āhā ti. Sīlenāpi[P: sīlena pi] suddhiṃ visuddhiṃ parisuddhiṃ[P: -…pe…] vatenāpi[P: vattena pi] suddhiṃ visuddhiṃ parisuddhiṃ[P: -…pe…] sīlabbatenā pi suddhiṃ visuddhiṃ parisuddhiṃ, muttiṃ vimuttiṃ parimuttiṃ n' āha na kathesi na bhaṇasi na dīpayasi na voharasī ti – sīlabbatenā pi na suddhim āha.[PTS191]
Adiṭṭhiyā assutiyā añāṇā, asīlatā abbatā no pi tenā ti. Diṭṭhi pi icchitabbā ti evaṃ bhaṇasi, savanam pi icchitabban ti evaṃ bhaṇasi, ñāṇam pi icchitabban ti evaṃ bhaṇasi, [P: +sīlam pi icchitabban ti evaṃ bhaṇasi, vattam pi icchitabban ti evaṃ bhaṇasi.] na sakkosi ekaṃsena anujānituṃ, napi[P: na] sakkosi ekaṃsena paṭikkhipitun ti – adiṭṭhiyā assutiyā añāṇā, asīlatā abbatā no pi tena.
Maññām' ahaṃ momuham eva dhamman ti. Momūha-dhammo ayaṃ tuyhaṃ bāla-dhammo [P: -mūḷhadhammo] aññāṇa-dhammo amarāvikkhepa-dhammo ti evaṃ maññāmi evaṃ jānāmi evaṃ ājānāmi [P: -evaṃ vijānāmi] evaṃ paṭivijānāmi [P: -evaṃ paṭivijjhāmī]ti – maññām' ahaṃ momuham eva dhammaṃ.
Diṭṭhiyā eke paccenti suddhin ti. [P: -Suddhi]diṭṭhiyā eke samaṇa-brāhmaṇā suddhiṃ visuddhiṃ parisuddhiṃ, muttiṃ vimuttiṃ parimuttiṃ paccenti; ‘‘sassato loko, idam eva saccaṃ mogham aññan’’ti diṭṭhiyā eke samaṇa-brāhmaṇā suddhiṃ visuddhiṃ parisuddhiṃ, muttiṃ vimuttiṃ parimuttiṃ paccenti; ‘‘asassato loko…pe… n' eva hoti na na hoti tathāgato paraṃ maraṇā, idam eva saccaṃ mogham aññan’’ti diṭṭhiyā eke samaṇa-brāhmaṇā suddhiṃ visuddhiṃ parisuddhiṃ, muttiṃ vimuttiṃ parimuttiṃ paccentī ti – diṭṭhiyā eke paccenti suddhiṃ.
Ten' āha so brāhmaṇo –
‘‘No ce kira diṭṭhiyā na sutiyā na ñāṇena, [iti māgaṇḍiyo[P: māgandiyo]]
Sīlabbatenā pi na suddhim āha;
Adiṭṭhiyā[P: diṭṭhiyā] assutiyā añāṇā, asīlatā abbatā no pi tena;
Maññām' ahaṃ momuham eva dhammaṃ, diṭṭhiyā eke paccenti suddhin’’ti.[PTS191]
最終更新：2012年09月19日 20:18
